Hans Moore Sport
  • Fietsry

    Hans Moore is een van die min skole in die omgewing wat fietsry as ‘n skoolsport aanbied.

    Ons het al verskeie junior en senior fietsryers opgelewer wat vir welbekende spanne soos Mr. Price ry en al deelgeneem het in verskillende dele van die land.

    Ons maak voorsiening vir padfietse sowel as bergfietse.



  • Hengel

    Hans Moore het in 2018 Hengel as 'n skool sport aanvaar. Daar is 'n Liga waaraan die skool deelneem. Die ligawedstryde vind plaas op Sondae by die bepaalde bestemming. Daar is leerders wat al provinsiale kleure verwerf het in die sport. Deelname is volop, Hans Moore het tans 5 hengelspanne wat aan die ligawedstryde deelneem. Daar is buite-afrigters wat kursusse aanbied om die leerders te leer van dié interessante en kompeterende sport. Beginners en meesters is welkom by die sport.

  • Krieket

    Krieket by Hans Moore word op die hoogste vlak gespeel.

    Die skool spog met ‘n lang reeks van oorwinnings.

    Deur die jare is verskeie provinsiale spelers al opgelewer.

    Die volgende spanne word elke jaar in die veld gestoot: 1ste, 2de en 3de span, asook O/15A, O/15B, O/14A, O/14B.








  • Netbal

    Hans Moore se netbal bied aan elke netbaldogter die geleentheid om nodige vaardighede te ontwikkel om haar volle potensiaal te bereik en ook te kan benut.

    Soos ons leuse sê: ‘GLO STREEF EN WERK’. GLO elke afrigter om ‘n netbaldogter te ontwikkel en te help tot die beste van hul vermoë. STREEF ons daarna om die beste spanne te hê en ver te vorder in elke kompetisie waar ons deelneem. Ons verwag dat elke netbaldogter hard sal WERK om die beste speelster te wees en saam met die span en afrigter te WERK.

    Ten spyte van die feit dat Hans Moore baie min dogters het, het ons al verskeie presteerders in hierdie sport opgelewer. Toere en netbal kursusse word jaarliks plaaslik onderneem.

  • Golf

    Hoërskool Hans Moore neem deel aan die Oos Gauteng Golf Liga in die A, B en C Afdeling.

    Daar is tans vier spanne en die leerders vaar besonders goed.

  • Ringbal

    Ringbal is 'n offisiële skool sport.





  • Rugby

    Hans Moore is soos enige Suid-Afrikaanse skool baie gefokus op rugby as ‘n sportsoort.

    Die skool se spanne speel jaarliks in verskeie groot skole ligas. Deur die jare is verskeie provinsiale spelers al opgelewer. Hans Moore akkommodeer elke leerling wat belangstel om rugby te speel.

    Hans Moore het A, B en C spanne.




    Hans Moore Rugby


  • Skaak

    By Hans Moore speel ons skaak in samewerking met die onderwys department in die Ekhuruleni Noord Distrik.
    Die distrik het 6 clusters en Hans Moore speel in die Benoni cluster.
    Die skaakliga bestaan uit twee afdelings:

    1. ‘n Liga vir individuele spelers


    ‘n Toernooi vir individuele spelers, van die Benoni cluster, word op 24 Maart by Hoërskool Hans Moore aangebied.
    Wenners word opgeneem in die Benoni span wat op 11 & 12 Mei in die distrik finale sal speel.
    Distrik wenners sal gedurende die Julie skoolvakansie aan ‘n skole individuele toernooi deelneem.

    2. ‘n Liga vir spanne


    Wedstryde sal in die tweede kwartaal gespeel word.
    Wedstryde word op Woensdae gespeel en spanne bestaan uit 6 spelers.
    Skaak word in twee ouderdomsgroepe gespeel naamlik: O/15 en O/19.
    Die twee wenspanne in die Benoni cluster, sal in die Distrik finale speel op 3 & 4 Augustus by Benoni High School.
    Wenners sal op 1 September aan die Top Schools toernooi in Pretoria deelneem.

  • Muurbal

    Muurbal word aktief by die skool beoefen.

    Die skool het reeds in die verlede verskeie uitstaande prestasies behaal en het al ‘n aantal provinsiale spelers opgelewer.

    Aangesien die skool nie oor sy eie bane beskik nie, maak ons gebruik van Benoni Country Club se bane wat maar ‘n klipgooi ver is.

  • Swem

    Swem is 'n offisiële skool sport sedert 2010. Die doelwit van die sport is nie net om leerders die kans te gee om liggaamlik te ontwikkel nie maar het ook ten doel om vir leerders 'n belangrike lewensvaardigheid aan te leer. 'n Kultuur van gesonde kompetisie deur kompeterende sport is uiters belangrik in die ontwikkeling van 'n goed afgeronde, jong volwassene.


  • Atletiek en Landloop

    Hans Moore neem jaarliks deel aan 2 groot atletiekbyeenkomste naamlik Intertegnies en Super Interhoër.

    Die atlete word deur professionele afrigters afgerig.


    Hans Moore Atletiek

  • Tennis

    Kom kry oefening, raak van al jou spanning ontslae…
    Het jy wat dit vat om ‘n Moorie Tenniswenner te wees?
    Kom wys jou staal!!!!!

    BEGINNERS OF TENNISKENNERS – ALMAL WELKOM!!!

    • Ons het tans 4 seunspanne en 1 meisiespan en ‘n totaal van ongeveer 40 entoesiastiese spelers wat die vaardighede van die spel bemeester.

    • Twee dae ‘n week is ons op die bane met ‘n professionele afrigter om ons beginners die tegnieke van die spel te leer en ons gevorderde spelers se spel te verfyn.

    • Elke week gaan ons ook vir kondisionering by die Moorie gimnasium waar ‘n professionele biokinetikus ons fiksheid en krag verbeter.

    • Tans neem ons aan die Oos-Gauteng Liga in die tweede kwartaal deel en speel ook ‘n verskeidenheid vriendskaplike wedstryde.

    • Oefeninge vind op Northmead se bane plaas en die spelers word per bus na die bane vervoer. Die onus is op die ouers om hul kinders 16:30 daar op te laai.

    • Die tennisseisoen strek van Februarie tot Junie.


    Win with grace, lose with dignity.

  • Hokkie

    Ons skool spog vanjaar met 5 spanne. Hans Moore se hokkie het gegroei in laaste 3 jaar met ongelooflike sukses.

    Vanjaar speel al 5 ons spanne in die Puk reeks en ons neem ook deel in die Medium skole hokkie liga in "Easterns", dit beteken dat ons die jaar kragte meet teen Brandwag, Stofberg, Die Anker ens.

    Ons gaan ook vir die 1ste keer die jaar met al ons spanne op toer terwyl ons 1ste span in die St Dunstans Festival deelneem. Hans Moore hokkie is 'n trotse familie en ons streef almal om wenners te wees.