hans moore 2017
Hoërskool Hans Moore
MENU
BESTE TEGNIESE Hoërskool in Gauteng – 2015 & 2016
Nasionale WENNERS van die kykNET Revue Kompetisie - 2016
culture

Kultuur

kultuur 1

Kultuur Speel ’n Belangrike Rol


Hans Moore vier jaarliks die komende Kersgety op ‘n gepaste wyse met ’n Kerssangdiens.


Die Moories sien dit as ‘n geleentheid om hul dank te betuig en eer te bring aan God vir nog ’n wonderlike en geseënde jaar.


Daar word ook gedink aan diegene wat die afgelope jaar geliefdes aan die dood afgestaan het deur ‘n herinneringsboom.


Uiteindelik is dit waaroor dit gaan in Hans Moore - om elke leerder die geleentheid te gee om met sy godgegewe talente te woeker.

kultuur 2

Redenaars en Debat


Daar word jaarliks ‘n interne redenaarsaand gehou, waar alle belangstellende leerders die geleentheid gebied word om deel te neem in graadverband! Op grond van hul prestasies in bogenoemde kompetisie, word leerders aangewys wie die skool gaan verteenwoordig by die ATKV se landswye redenaarskompetisie. Hans Moore spog al vir verskeie jare met leerders wat tot die halfeindrondte van bogenoemde kompetisie deurdring. Leerders neem egter ook deel aan die ATKV se debatkompetisie en ander verwante kompetisies soos die Beeldtrofee-kompetisie.
Hans Moore neem jaarliks deel aan die Moot-kompetisie, waar die deelnemers aan ‘n skynhof deelneem.

Kultuur Redenaars en Debat
kultuur 3

Toneel en Revue


Toneel

Vanjaar gaan daar ook op die gebied by die ATKV meegeding word.

Revue

Hans Moore bring elke twee jaar ‘n revue op die planke. Dit is voorwaar ‘n hoogtepunt vir die leerders. Soveel as moontlik leerders neem deel. Die leerders kry eerstehandse ervaring van die wêreld van die uitvoerende kunste deurdat daar van professionele choreograwe, klank -en beligtingsingenieurs gebruik gemaak word. Die skool het self al leerders wat bogenoemde hul beroep gemaak het en wat steeds betrokke by die skool is.
Wenners van die 2016 Kyknet Revue kompetisie

kultuur 4

Skryfkuns


Leerders word aangemoedig om deel te neem aan Nasionale -en plaaslike Skryffeeste -en kompetisies. Daar word jaarliks ingeskryf vir die Con Spirito skryffees. Die afgelope twee jaar het van ons leerders puik presteer in die verband en is hul werke in bundels gepubliseer.

kultuur 5

GroentjieKonsert


Hierdie aktiwiteit bly vir elke Moorie ‘n onvergeetlike gebeurtenis. Die doel van die projek is om die gr. 8’s in te burger, maar dit is ook ‘n groot vuurdoop vir die nuutverkose VRL, aangesien hulle verantwoordelikheid neem vir die skryf en regie van die konsert. Die leerders verbaas die kykers jaarliks met ’n puik produksie wat getuig van inisiatief en oorspronklikheid.

kultuur groentjie konsert
kultuur 6

Kunswedstryde


Ons glo daarin om ons leerders kreatief te stimuleer en gee hulle jaarliks die geleentheid om aan kunswedstryde deel te neem. Nie alleen is verskeie van ons leerlinge al aangewys as trofeewenners nie maar Hans Moore is ook aangewys as die skool wat die beste prestasie in die senior afdeling behaal het.

kultuur 7

Jeugkore en Orkes


Verskeie leerders presteer op die gebied. Leerders wat lid is van bogenoemde kry rekenning vir hul deelname aan die Oosrandse Jeugorkes ; Ekurhuleni -en Cola Voce Kore.

kultuur 8

Kerssangdiens


Hans Moore vier jaarliks die komende Kersgety op ‘n gepaste wyse met ’n Kerssangdiens.

Die Moories sien dit as ‘n geleentheid om hul dank te betuig en eer te bring aan God vir nog ’n wonderlike en geseënde jaar.

Daar word ook gedink aan diegene wat die afgelope jaar geliefdes aan die dood afgestaan het deur ‘n herinneringsboom.

Uiteindelik is dit waaroor dit gaan in Hans Moore - om elke leerder die geleentheid te gee om met sy godgegewe talente te woeker.

Hans MooreHoekom onsKontak ons
AlgemeenSport PrestasiesPrestasiesSport
KultuurFotosPersoneel