hans moore 2017
Hoërskool Hans Moore
MENU
BESTE TEGNIESE Hoërskool in Gauteng – 2015 & 2016
Nasionale WENNERS van die kykNET Revue Kompetisie - 2016
hoekom ons

Hoekom Ons

hoekom ons background

Ons Geskiedenis

1921: Oosrandse Ambagskool (Liverpoolweg, Benoni)
1954: Benoni Tegnies
1984: Hoërskool Hans Moore
1987: Huidige gebou
1995: Dubbel Medium
2015: Hoekstene van die oorspronklike skool word gedenkstene by huidige perseel

hoekom ons background

Wie is Hans Moore

Mnr. Hans Moore was ‘n vegter vir Tegniese onderwys. Na etlike jare as onderwyser in tegniese vakke het hy vise-hoof van die Hoër Tegniese Skool op Oudtshoorn geword. Hier het hy as hoof waargeneem. In November 1958 word hy aangestel as Inspekteur van Onderwys in die Departement van Nasionale Opvoeding. In 1965 was hy bevorder tot Hoofinspekteur en na vele bevorderingsposte opgeëindig as die Senior Adjunk-Direkteur van Onderwys. Die pos het die kroon gespan op sy uitsondelike toewyding en diens aan die onderwys.


Mnr. Moore het 13 tegniese handboeke gepubliseer en verskeie artikels van hom oor tegniese onderwys is in verskillende publikasies opgeneem.

algemeen

Mnr. Hans Moore,
die bronsbeeld in
ons voorportaal.

personeel

Oom Hans, ons ‘mascot’
vernoem na
Mnr. Hans Moore.

In 1983, na 21 jaar se stryd, is daar besluit om die skool te verskuif na ‘n nuwe perseel en om die naam te verander van Benoni Technical High School na Hoërskool Hans Moore.

Mnr. Hans Moore was die hoofspreker tydens die onthulling van die nuwe, nou huidige, Skoolwapen.

hoekom ons background

VISIE

Om deur die Suid-Afrikaanse Gemeenskap erken te word as dié Instansie wat voortdurend ’n gebalanseerde, uitnemende, beroepsgerigte individu aan die Gemeenskap lewer.

WAARDES

Christelike Waardes
Respek
Selfdissipline
Integriteit
Lojaliteit
Trots

MISSIE

Om aan sy leerders ‘n gebalanseerde, Christelike Opvoeding te bied sodat elkeen hom- of haarself kan ken – Ekonomies, Religieus en Sosiaal kan handhaaf, en op Akademiese-, Sport- en Kultuurgebied hom of haarself volkome kan uitleef.


Om aan personeel ‘n werksmilieu te bied waar na hulle welsyn omgesien word en werksomstandighede voortdurend verbeter en waar hulle voortdurend kan streef na uitnemendheid.

hoekom ons background

ń Paar van ons Tradisies


Kloklui

Elke nuwe Gr.8 leerling by Hoërskool Hans Moore, begin hul nuwe lewe met ‘n paar gebeurtenisse. Buiten oriëntering, en groentjiekonsert is daar die “Laat gaan jou ‘Ek kan nie’ Ballonseremonie” waar jy as ‘n Moorie-wenner wegstap gevolg deur ‘n baie spesiale kloklui seremonie, waar jy simbolies die begin van jou Hoërskool loopbaan inwei.

In matriek kry jy weer die geleentheid om jou skool te groet en dan weer simbolies die klok te lui as teken dat dié era nou verby is en jy jou toekoms aan jou voete het.

Fietstoer

In 1978 begin Mnr. Herman Bester die tradisie van ‘n fietstoer. In 2008 word die 30ste fietstoer suksesvol afgelê. As gevolg van omstandighede word hierdie tradisie gestop, maar sal altyd deel van vele Moories se herinneringe wees.

ń Paar van ons Tradisies

Kerssangdiens & Boom van Herinnering

In 1993 verongeluk een van ons leerders, Pieter du Toit, tydens ‘n fietstoer en so kom die Kerssangdiens & Boom van Herinnering tot stand. O.l.v Me. Bets Coetzee wat self haar dogtertjie , Lara, in 1990 aan die dood moes afstaan, word hierdie tradisie ‘n baie besonderse geleentheid waar elke Moorie leerder,en personeellid kan dink aan hul geliefdes wat nou net ‘n sterretjie in die hemel is...

hoekom ons background

Ons Skoolwapen

Beweeg muis oor sirkels
vir meer inligting

Sporthuise

Breed
Huis
Hattingh
Huis
Van der
Hoven Huis
Hans MooreHoekom onsKontak ons
AlgemeenSport PrestasiesPrestasiesSport
KultuurFotosPersoneel